Dewaya ke seba ke PKK 'lîsteya terorî' ya Yewîya Ewropa ra bêro vetene Dîwanê Edaletî yê Ewropa de amebî akerdene, 31ê adare de amebî kerdene. Dewa de nameyê îdarekaranê PKKyî Murat Karayilan û Duran Kalkanî ser o avûkatanê înan ca girewtbi.

Merkezê Komelê Kurdan ê Berlinî (NAV-BERLIN) 28ê êlule de (ewro) derheqê sebeb, netîce û tesîranê têkilîyanê mîyanneteweyîyan ê Dewaya PKKyî ya Dîwanê Edaletî yê Ewropa de panelêkî do serûber bikero.

Hemserekê MAF-DADî û huqûqnas Mahmut Şakar û Vervatoxa Têgêrayîşê Cinîyan ê Ewropa (TJK-E) Melîke Yaşar do panel de qisey bikero.

Panel saete 18.00 de, adresê Residenzstr. 54, 13409 Berlin de do dest pêbikero.