Dezgehê bi nameyê THIRTYSIX FIGHTSî seba Kampa Multecîyan a Şehîd Rûstem Cûdîyî (Mexmûr) dest pê kampanyaya hetkarîye kerd ke kampe binê hêrişanê dewleta tirke, tedaya PDK û dewleta Iraqî de ya.

Dezgehê THIRTYSIX FIGHTSî seba kampe musabeqayê sporî yê Boks, Muay Thai û K1 serûber kerdî.

Aktîvîte de temsîlkaranê Komelê Azadî, Komeleya Hêvî, Haştîye û Edaletî qisey kerd.

Nameyê Komelê Azadî ser o Rênas Efrînî qisey kerd û bale ante serê hêrişanê îşxalî yê dewleta tirke. Efrînî vat: ''Verî kurdan vatêne koyan ra ber yew dostê ma çin o. La nika ma biewnê na salone, Şorişê Rojawanî ma vînenê ke dostê ma est ê. Dewleta tirke ya îşxalkere vera gerîlayanê ma çekanê kîmyewîyan şuxilnena. Ma wazenê wa her kes vera ney vejîyo.''

Qiseykerdoxanê bînan zî vist vîrî ke dewleta tirke tim hêrişê Mexmûrî kena.

Aktîvîte de seba paştdayîşê Mexmûrî standêk ame akerdene.