Serrgêra 11. ya Şorişê Rojawanî Berlin û Marsilya de bi çalakîyan ameye fîrazkerdene. 

Paytextê Almanya Berlin de ciwananê enternasyonalîstan Şorişê Rojawanî fîraz kerd û dima zî bi beşdarîya kurdan bi şîarê 'Rojawan hêvî yo' rayraşîyayîşêk ame kerdene. Qiseykerdişan de ame vatene ke şorişê bi felsefeya 'Jin, Jiyan, Azadî' pêro merdimatîye rê bîyo hêvî. Rayraşîyayîş de sloganê sey “Jin jiyan azadî” û “Bijî berxwedana Rojava” ameyî vatene û rayraşîyayîş pê govendan qedîya.

Şaristanê Marsilya yê Fransa de serkêşîya Meclîsê Cinîyan ê Arîne Mîrkan û TCŞyî deseba serrgêra şorişî pêramotişê fotografan akerdene. Stand de pankartê YPG-YPJyî, fotografê Rayberê Şarê Kurdî Abdullah Ocalanî û pankarta 'Wa asmênê Rojawanî teyarayan rê bêro girewtene' ameyî akerdene. Şayîye de hunermendê TEV-ÇANDî vejîyayî sehne ser. Şayîye de venga her kesî dîya de 22yê temmuze de tewrê rayraşîyayîşê Lozanî bibo û seba rayraşîyayîşî 21ê temmuze de 23.00 de Marsilya ra otobusî do bikewê rayîrî.