Girawa Mîdîllî ya Yunanîstanî de adir kewtbi kampa multecîyan a Moria û bi hezaran multecîyî mexdûr bibî. Çalakîyê seba multecîyan dewam kenê.

Bi hezaran kesî kantonê Bernî yê Swîsre de ameyî têhet û înan venga selahîyetdaran da ke wa seba multecîyan têbigêrê. Wextê çalakîye de verê trafîkî ame girewtene û dima rayraşîyayîşêk ame kerdene. Bi hezaran kesî verê bînaya Hukmatê Federalî de ameyî têhet û venga Hukmatê Swîsre da ke wa multecîyî bêrê ardene bi Swîsre.

Çalakîye de ame parekerdene ke Kampa Moria de 12 hezar multecîyî ciwîyenê. Çalakîye bi vengdayîşê 29 rêxistinan amebî kerdene û multecîyanê Kampa Moria qala şertanê bêmerdimîye yê kampe kerde.