Bajarê Bernî yê Swîsî de hetê Meclîsê Cinîyan ê Mizgîne û xeylî dêran ra çalakîyêka hempare ameye viraştene.

Çalakî de bale ameye antene hêrişê îşxalî yê vera Rojawanî ser û ame waştene ke nê hêrişê qirkerdişî cade bêrê vindarnayene. Temsîlkaranê dêran ke çalakî de qisey kerd Serokkomarê Tirkan Erdogan sey dîktatorî name kerd û waşt ke Erdogan sey sucdarê şerî bêro muhakemekerdene.