Şaristanê Bernî yê Swîsre de hêrişê dewleta tirke yê vera Zînî Wertê ameyî şermezarkerdene. Şaristanê Stuttgartî yê Almanya de zî seba paştdayîşê tepişteyan ê sîyasîyan pankarte ameye daliqnayene.

Bern

Şaristanê Bernî yê Swîsre de hêrişê dewleta tirke û hemkarîya PDKyî yê vera Zînî Wertê û Mexmûrî ameyî şermezarkerdene.

Ciwanan rêxistinanê Revolutionäre Jugend Gruppe Bern (Koma Ciwanan a Şorişgêran) û Têgêrayîşê Ciwanan ê Şorişgêran (TCŞ) pankarta bi nuşteyê ''Ma koyanê azadan ê Kurdîtanî bipawê'' û ''Vera îşxalê Başûrê Kurdîstanî wurzê payan ser'' û fotografê Rayberê Şarê Kurdî Abdullah Ocalanî ameyî daliqnayene.

Stuttgart

Şaristanê Stuttgartî yê Almanya de zî seba paştdayîşê tepişteyan ê sîyasîyan ê ke Ewropa û Tirkîya de rîyê fikranê xo yê azadan û karanê xo yê sîyasîyan ra tepişte yê serê pirdê mabênê Lurdwigsburg-Stuttgartî de pankarta bi nuşteyê ''Seba tepişteyanê sîyasîyan Azadîye'' ameye akerdene.