Serrgêra komployê mîyanneteweyî yê 15ê sibate de seba şermezarkerdişê komloyî û waştişê azadîya Rayberê Şarê Kurdî Abdullah Ocalanî her serre rayraşîyayîşêko derg yeno kerdene. Baskêkê nê rayraşîyayîşî zî hetê ciwananê kurdan ra yeno organîzekerdene.
Bernameyê rayraşîyayîşê dergî yê ciwanan o ke do bi şîara ''rayîr nêde tecrîd, Rayber Apo reyde bibe azad'' bêro kerdene eşkera bî.
Rayraşîyayîşo derg 20 serran ra zêdêr bi waştişê azadîya Rayberê Şarê Kurdî Abdullah Ocalanî hetê ciwananê kurdan ê Ewropa ra yeno serûberkerdene. Ciwanî emser zî do merdiman rê qala îdeolojî û fikrê Ocalanî bikerê û dima zî aktîvîteyanê kultur û hunerî bikerê. Ciwanî do a şewe zî keyeyanê kurdîstanijan ê ke herêmanê înan ra derbaz benê de bimanê.
Seba rayraşîyayîşê dergî ciwanê ke çar hetê Ewropa ra do bêrê 7ê sibate de şaristanê Frankfurtî yê Almanya de kom bibê.
Bernameyê rayraşîyayîşî wina yo:
Roja 1.: 8ê Sibate | Frankfurt – Neu Isenburg
Roja 2.: 9'ê Sibate | Neu Isenburg – Darmstadt
Roja 3.: 10'ê Sibate | Darmstadt – Bensheim
Roja 4.: 11ê Sibate | Bensheim – Mannheim
Roja 5.: 12'ê Sibatê | Mannheim – Homburg
Roja 6.: 13ê Sibate | Homburg – Saarbrucken
Roja 7.: 14ê Sibate | Şahî