Şaristanê Heilbronnî yê Almanya de Merkezê Komelê Demokratîkî yê Kurdan  de dersê muzîkî yê temburî û dersê kurdkî bi şîarê 'Bi kurdkî biwanê û binusê, ziwan nasnameyê merdiman o' dîyayî destpêkerdene.

Mamosta Loqman Karaaslan merkez de dersêk kurdkî dano. Karaaslan venga keyeyanê kurdîstanijan da ke 'vera asîmîlasyonî wayîrê ziwanê xo vejîyê.'

Karaaslanî vat: ''Ma wextêkê dergî ra nata xîret kerdêne ke kursêkê winasênî abikerê. 3 hewteyî yo ma Heilbronn de dersanê kurdkî danê. Dersê ma roja çarşemeyîsaete 17:00 de dest pêkenê û saete 19:30 de qedîyenê. 12 kursîyerê ma estê. ''

Mamosta Karaaslanî şîarê kursî vist vîrî û vat: ''Sey kurdanê Diaspora ganîma ziwanê xo bipawê, wayîrê kulturê xo vejîyê. Keyeyê kurdîstanijî zêdêr almankî û tirkî qisey kenê. La ganî keyeyê xo de kurdkî qisey bikerê.''