Ewro saete 18.00 de Zoomî ser o pê sernameyê 'Abdullah Ocalan û çareserîya sîyasî ya haştîyane ya meseleya kurdan' do konferansêk bêro kerdene. Wezîro verên ê Edaletî yê Îzlanda Ogmundur Jonasson û endamê Delegasyonê Haştîye yê Îmraliyî zî tede xeylêk welatan ra kesayetî do tewrê konferansî bibê.

Nameyê Sendîkaya Îngilîstanî Unite the Union ser o Clare Baker, Sendîkaya Mamostayan ra Christine Blower û Partîya Neteweyî ya Îskoçya (NSP) ra sîyasetmedara kurde Roza Salîh do konferans de qisey bikerê.

Konferansê onlineyî de Endama Komîteya Haştîye ya Kurdîstanî û Avûkate Melanie Gingell do moderatorîya koonferansî bikera û pêvînayîşê Delegasyonê Îmraliyî do bêrê ercnayene. Konferans de serebûtê peyênî zî do bêrê nîqaşkerdene.