Seba ke PKK lîsteya terorî ra bêro vetene kampanyaya îmzayan dewam kena. Şaristanê Limasolî yê Kibrisî de keyeyê Akşahînî zî bi hawayêkê aktîfî tewrê kampanya beno.

Pêro ferdê keyeyê Akşahînî seba arêdayîşê îmzayan benê seferber, standan akenê û keyeyî heta nika 2 hezar îmzayî arê dayî. Domanê keyeyî yo qijêr Şerzan vano ke ey heta nika bi sereyê xo 612 îmzayî arê dayê. Şerzan venga her kesî dano ke wa tewrê kampanya bibo. Şerzan vano: ''PKK seba welatê ma têkoşîn keno.''

Dayîke Gulîstane Akşahîn zî dîyar kerd ke ê bi ruhê seferberîye tewrê kampanya benê û vat: ''Armancê ma 5 hezar îmzayan o.  Na xebate xebatêka girînge ya Hemleya Wextê Azadîye ya. Ganî ma bi ruhê seferberîye tewrê nê têkoşînî bibê.''

Babî Arîf Akşahînî zî vat: ''Ganî pêro kurdê rûmetênî tewrê na kampanya bibê. Rayber Apo û PKK rayîrê raştîye yê.''