Bajarê Bielî yê Swîsre de hetê Komîsyonê Keyeyanê Şehîdan ê Meclîsê Şarî yê Bielî ra Merkezê Komelê Kurdan de semedê yadkerdişê şehîdanê menga gulane aktîvîteyêke ameye kerdene.

Akîvîteya ke bi rêzgirewtişî dest pêkerde bi pêramotişê sînevîzyonî yê derheqê şehîdanê menga gulane dewam kerde. Dima ra Temsîlkarê Dezgehê Keyeyanê Şehîdan ê Swîsre Tahsîn Farqînî qisey kerd. Farqînî vat: ''Girêdayîya bi şehîdan têna bi wayîrvejîyayîşê têkoşînê şehîdan beno. Coka ma do her ca de xoverdayîşo ke şehîdanê ma ra mîras mendo pîl bikerê.'' Badê qiseykerdişê merdimanê şehîdan aktîvîte bi slogananê ''Şehîdî nêmirenî'' qedîyaye.