Peymana Şingalî ya ke mabênê Hewlêr û Bexdadî de ameye îmzakerdene, Bielefeldê Almanya de bi çalakîyêke ameye protestokerdene. Nêzdîyê 100 kesî tewrê çalakîye bîyî.

Yewîya Hêzî ya Demokratîke ra Îsmaîl Dostî qisey kerd û îfade kerd ke vera na peymane ganî şarê Şingalî paştdayîşê xo xurtêr bikero.

Hemserekê NAV-YEKî Hacî Çelîkî pare kerd ke na peymana ke bêxebera şingalijan îmza bîya, peymanêka batal a. Çelîkî PDK bi xurtî rexne kerd û yewîya neteweyî ya demokratîke ser o vindert.

Nameyê Komunê Şehîd Barînî yê Bielefeldî ser o zîSerhat Rojî qisey kerd û qetî kerd ke têkoşînê Yewinanê Xopawitişê Şingalî meşrû yê.

Çalakîye bi sloganan qedîyaye.