Mehkemeya Berze ya Lefkoşa ya Kibrisî bire dabî ke sîyasetmedaro kurd Kenan Ayaz teslîmê Almanya bêro kerdene. Kurdîstanijan û dostanê înan vizêr verê mehkeme de çalakîya roniştişî kerde û bire protesto kerde.

Sîyasetmedar Lezgîn Serhatî tîya de qisey kerd û vat: ''No waştişê Almanya nê waştişê dewleta tirke ya faşîste yo. Ganî na bire cade betalkerdene û embazê ma vera bidîyo.''

Cayê çalakîye de seba azadîya Ayazî tewr tay 100 îmzayî arê dîyayî.

Wekîl, rêxistin, komanê antîfaşîstan, AKEL, Partîya Keskan û dezgehanê bînan hesabanê xo yê medyaya dîjîtale de vera bira teslîmkerdişî nêrazîbîyayîşê xo mojna.

Komîsyonê Paştdayîşî yê Kibrisî zî venga pêro kesan da ke tewrê rayraşîyayîşê ''Kenan Ayazî rê azadîye'' bibê.