Unîversîteya Distrita ya Bogora de konferansê ''Heta Înşakerdişê Komelê Demokratîkî Serewedaritişê Vera Kapitalîzmî'' dest pêkerd. Konferans hetê 50 organîzasyonanê 15 welatan ra ame organîzekerdene.
Paytextê Kolombîya Bogota de konferansê bi sernameyê ''Heta Înşakerdişê Komelê Demokratîkî Serewedaritişê Vera Kapitalîzmî'' vizêr dest pêkerd. Konferans de paradîgmaya Netewa Demokratîke û Konfederalîzmê Demokratîkî ya Rayberê Şarê Kurdî Abdullah Ocalanî yena destgirewtene.
Konferanso ke Unîversîteya Distrita de yeno kerdene 15 welatan ra (Kuba, Arjantin, El Salvador, Kolombiya, Peru, Paraguay, Panama, Kosta Rika, Honduras, Meksika, Amerîka, Welatê Bask, Brezilya, Venezuela û Kurdîstan) ra nizdê 50 organîzasyon tewrê ci bîyî.
Kongreya Şaran a Kolombîya, Têgêrayîşê Pawitişê Heqanê Şaran MODEP, Akademîya Modernetîya Demokratîke, Kongreya Neteweyîye ya Şaranê Cayîyan ê Kolombîya, Merkezê Cigêrayîşî yê Jineolojî û Torra Cinîyî Ameyoxî Munenî mîyanê organîzatoranê konferansî de ca genê.
Badê rituelê akerdişê konferansî bi sernameyê ''Kapîtalîzmo ke krîzê medenîyetî yo'' panel ame kerdene. Meksîka ra Profesor Margara Milan, Kolombiya ra Edgar Mojica, Merkezê Cigêrayîşî yê Jineolojî ra Sara û El Salvadorî ra Ana Biker tewrê panelî bîyî.
Margara Mîlan vat ganî bêro vînayene ke yewna modernîte mumkun o. Edgar Mojîcayî bale ante muhîmîya têkoşînê şaran ser û vat şar eşkeno verê haştîye abikero. Sarah Marcha zî bale ante ser ke kapîtalîzm senî tesîrê zînîyetî keno qala modenîyetê demokratîke kerde.
