Şaristananê Bonn û Saarbruckenî yê Almanya de çalakîyê paştdayîşê Rojawanî ameyî kerdene.

Bonn: Şaristanê Bonnî yê Almanya de ciwananê kurdan û enternasyonalîstan seba paştdayîşê Rojawanî çalakîyêke kerde û wayîrê Xoverdayîşê Rûmetî vejîyayî. Ciwanî Kaiserplatzî de kom bîyî û înan deqayêkê rêzgirewtişî ra dima dest pê rayraşîyayîşî kerd. Çalakîye de pankarta ''Cinîye, Cuye, Azadîye'' û alayê YPG, YPJ, TEV-DEM û Têgêrayîşê Ciwananê Şorişgêran ameyî berzkerdene. Çalakîye de sloganê ''Şehîdî nêmirenî'', ''Biciwîya Partîya Karkeranê Kurdîstanî'', ''Biciwîyo Xoverdayîşê Rojawanî'', ''“Hoch die internationale Solidarität” ameyî vatene.Munsterplatz de zî ciwanan nawnayîşêk kerd.
 

Saarbrucken: Şaristanê Saarbruckenî yê Almanya de seba wayîrvejîyayîşê Rojawanî çalakîyêke ameye kerdene. Çalakîye seba şehîdanê Kurdîstanî û dinya bi deqayêkê rêzgirewtişî dest pêkerd. Zaf kurdîstanijî û dostê înan tewrê çalakîye bîyî. Qiseykerdişan de ame parekerdene ke têkoşîno ke 41 serran verê cû dest pêkerd aver şi û bi mîlyonan kesî tewrê ci bîyî.