Şaristanê Bordeauxî yê Fransa de serrgêra 43. ya ronayîşê PKKyî bi şayîyêke ameye fîrazkerdene. Şayîye hetê Têgêrayîşê Cinîyan ê Azadan (TJA), Têgêrayîşê Ciwanan ê Şorişgêran (TCŞ) û Konseya Kurdan a Demokratîke ra ameye serûberkerdene.

Salona şayîye de alayê PKKyî, posterê Rayberê Şarê Kurdî Abdullah Ocalanî û fotografê şerwanan ameyî dardekerdene. Şayîye bi deqayêkê rêzgirewtişî dest pêkerde.

Hemserekanê CDKyî yê Bordeauxî Ayşe Semsûr û Hayrî Karakoçan şayîye de qisey kerd, broşurê TCŞyî ameyî wendene. Çalakîkeran fransizan zî şayîye de qisey kerd û waşt ke PKK lîsteya terorî ra bêro vetene û Abdullah Ocalan azad bibo.

Hunermendî Sîracettîn û Mezher, Merale Akan, Metîn Zîlan, Aras Agir, Çetîn Zîlan, Mîr Perwer û Xemgîn Bîrhat vejîyayî sehne ser. Şayîye pê govendan qedîyaye.