Yekmal e. V, Yewîya Mamostayanê Kurdan û Sendîkaya GEWî şaristanê Bremenî yê Almanya de ''Sempozyumê Roja Ziwanê Dayîke ya Dinya'' serûber kerd. Sempozyum de girîngîya perwerdeyê bi ziwanê dayîke û kreşan ameye nîqaşkerdene.

Sempozyum de Senatorê Perwerdeyî yê Bremenî yê verênî Dr. Hennigî îfade kerd ke tirkan Bremen de verê perwerdeyê bi kurdkî girewt û ê xîret kenê ke şinasnayîşê Qirkerdişê Armenîyan zî asteng bikerê.

Zanyare Yayla Bucak Monch bale ante astengîyanê vera kurdkî ser û da zanayene ke rolê kurdanê êzidîyan seba wedaritişê nê astengan zaf girîng ê. Yayla vat: ''Prosesê fermîbîyayîşê kurdkî se seba ma averşîyayîşo tewr girîng estbîyayîşê kurdanê êzidîyan bi Çunke ê keyeyê xo de bi kurdkî qisey kenê.''

Perwerdekar Zaradîn Agirman dîyar kerd ke Almanya de bi perwerdeyê kurdkî kreşî ameyê akerdene û ganî keyeyî domananê xo bişawê nînan.

Şêwirmendê Perwerdeyî Dr. Zerdeşt Hacoyî ard ziwan ke dewleta Almanya seba kurdan wayîra sîyasetêkê taybetî nîya û perwerdeyê bi kurdkî peygoş kena. Hacoyî venga dewleta Almanya da ke wa sîyasetê xo yê vera kurdan ra fek vera bida.