Paytextê Belçîka Bruksel de vera tecrîd û semedê paştdayîşê xoverdayîşê grevê vêşanîye û rojeyê mergî çalakîyêka merkezî ameye viraştene.

Xeylî bajaranê Belçîka ya pîya Almanya, Fransa, Hollanda û Swîsre ra xeylî kesî tere çalakîye bîyî. Goreyê organîzatoranê çalakîye hezar ra zafêr kesî ameyî pêser. Çalakîya ke bi deyîranê şorişgêrî û govendan dest pêkerde bi kortejan rayraşîyeyîş ame destpêkerdene. Cinîyanê laçig sipîyan ê ke  waşt ke bale biance serê hêrişê dewleta Tirkî yê vera Dayîkanê Aşitîye vernîya korteji de ca girewt. TJK-E, SKB, AvEG-KON, ATÎK, HBDH, KNK, PYD, Partîzan, Cepheyê Kede û Azadîye, Komîteya Paştdayîşê Tepişteyanê Sîyasîyan ê Mîyanneteweyî ya pîya xeylî rêxistin û sazî tewrê çalakîye bîyî. Çalakwanan  bi sloganan politikaya hêrişkare ya Erdoganî şermezar kerde û xoverdayîşê greve vêşanîye û rojeyê mergî silam kerd. Rayraşîyayîşê saetêk ra dima çalakgerî vernîya Parlamentoyê Ewropa  ameyî têhet.