Bûlût, Şengalî, Xerîb û Mahîr Stockholm de ameyî vîrardene

Paytextê Swêdî Stockholm de semedê vîrardişê Gokhan Bûlût (Hamza Tolhildan) o ke 25’ê Temmuze de Duhok de hetê dewleta Tirkî ra ame qetilkerdene, Zekî Şengalî, Dîyar Xerîb û Atakan Mahîrî aktîvîteyêk ameye viraştene.

Paytextê Swêdî Stockholmî de şexsê Gokhan Bûlût (Hamza Tolhildan) o ke 25’ê Temmuze de Duhok de hetê dewleta Tirkî ra ame qetilkerdene, Zekî Şengalî, Dîyar Xerîb û Atakan Mahîrî de bi aktîvîteyêk şehîdê azadîye ameyî virardene.

Aktîvîteya ke bi rêzgirewtişî dest pêkerde de derheqê Bûlût, Şengalî, Xerîb û Mahîrî de pêramotişê sînevîzyonî ame kerdene. Sîyasetmado Kurd Selanîk Onero ke qiseykerişêk kerd va:’’Zekî Şengalîyî Kurdê Êzidî, Dîyar Xerîbî şarê Başûrê Kurdistanî, Atakan Mahîrî Elewîyê Kurd, Hamza Tolhildanî zî Kurdê  Anatolya temsîl kerdêne. Coka hemrayê ma yê ke sembolê  yewîya neteweyîye bî bi zanayîş hedef ameyî girewtene. Hêrişê vera înan qetlîamêko bizanayîş o.’’ Waya Xerîbî Şîlan Xerîbe zî vat ê sey keyeyê Xerîbî seba birayê ci sereberz ê.