17ê êlule de şaristanê Landgraafî yê Hollanda de Festîvala Kulturê Kurdan a Mîyanneteweyîye ya 30., do bi şîarê 'Vera îşxalî û qirkerdişî ma do Kurdîstanî bipawê, Rayber Ocalanî azad bikerê' bêra kerdene. Hemserekê KCDK-E Yuksel Koçî derheqê amadekarîyan de ANFyî rê qisey kerd.

Koçî dîyar kerd ke dewleta tirke nê prosesî de bi konseptê tasfîyeya têgêrayîşê kurdan û şarê kurdî têgêrena. Koçî var: ''Sere de gerîlayan şarê ma pê têkoşînê xo no plan pûç kerd. Dewleta tirke bi xo nika Zap, Metîna û Avaşîn de prosesê binkewtişî de ya, mîyanê krîzêkê pîlî de ya. Dewleta tirke hêrişanê kîmyewîyan kena, Rayberê ma tecrîd kena û hêrişê destkewteyan kena. Ma nê prosesî de festîvala xo do bikerê. Coka emser na festîvale zaf girîng a. Şarê kurdî do na festîvale de mesajê xo bido pêro dinya.

Beşê kultur û mesajî yê emserînî zî do cîya bibê. Çar parçeyanê Kurdîstanî ra bernameyê kulturî û muzîkî do est bê.Tewr tay 100 hunermendî do tewrê festîvale bibê. Reyna xeylêk akademîsyen, sîyasetmedar û kesê ke çar hetanê dinya de serkêşîya kampanyayanê azadîya Ocalanî kenê, do tewrê festîvale bibê.

17ê êlule de wa çew keye de nêmano. Wa cinî, ciwan, doman û kokimî pê kincanê xo û renganê xo yê neteweyîyan tewrê festîvale bibê. Ma amadekarîyê xo temam kerdê. Wa her kes bi ruhê xoverdayîşê Zapî tewrê festîvale bibo. Vera îşxal, kolonyalîzm ma warê festîvale bikerê warê yewîya neteweyîye û xoverdayîşê neteweyî. Ma azadîya Rasber Apoyî pêro dinya ra biwazê.''