Şaristanê Bologna yê Îtalya de bi armancê paştdayîşê bi kurdan bi beşdarîya xeylêk dezgeh û têgêrayîşan rayraşîyayîşêk ame kerdene. Çalakîkeran rayraşîyayîşî ra verî dêsan ser de 'jin, jiyan, azadî' nuşt û bi alayanê YPG, YPJ û PKKyî û bi pankarta 'bombardumananê vera Şorişê Cinîyan vindarnê' dest pê çalakîye kerd.

Çalakîye de hêrişê dewleta tirke yê vera Rojawanî ameyî protestokerdene û ame waştene ke warê hewayî yê Rojawanî hêrişan rê bêro qefilnayene.

Çalakîye de veng dîya ke paştî bêra dayene şarê kurdî.