Xeylêk şaristananê Ewropa de hêrişê îşxalî yê vera Rojawanî û bêvengîya hêzanê mîyanneteweyîyan bi çalakîyanê cîya-cîyayan ameyî protestokerdene. Çalakîyan de tecrîdê vera Rayberê Şarê Kurdî Abdullah Ocalanî zî ameyî şermezarkerdene û azadîya ey ameye waştene.

Çalakîyan de fotografê Rayberê Şarê Kurdî Abdullah Ocalanî û ê şehîdan, alê PKK, YPG û YPJyî ameyî akerdene û sloganê sey “Bijî berxwedana Rojava” û “Şehîd namirin” ameyî vatene. Qiseykerdişan de ame parekerdene ke dewleta tirke seba ke qesasê DAÎŞî bigêra hêrişê Rojawanî kena û nê hêrişan de seba ke îradeyê şarî bişikna bi taybetî cinîyan ê serkêşan hedef kena. 

Çalakîyan de bêvengîya Neteweyanê Yewbîyayeyan, Amerîka, Rûsya û rêxistinanê mîyanneteweyîyan zî ameye şermezarkerdene. Çalakîkeran eşkerayîyanê xo de da zanayene ke bedelê ci çi beno wa bibo, ê do heta peynî Rojawanî bipawê û nêverdê ke statuyê kurdan bêrê çinkerdene.

Çalakîyan de venga hêzanê mîyanneteweyîyan ame dayene ke wa warê hewayî yê Rojawanî dewleta tirke rê bêro girewtene.

Marsilya

Melbourne

Linz

Hamburg

Saarbrucken

Viyana