Roniştişê dewaya Mustafa Çelîkî yo ke aşma çeleyî de Bremen de ame tepiştene, ewro Mehkemeya Eyaletî ya Berze ya Hamburgî de ameye kerdene.  Dadgerî cezaya di serran û 7 aşman daye Mustafa Çelîkî.

Kesê ke sey tewrê roniştişî bîyî qerar protesto kerd û mabênê înan û dagerî de muneqeşe vejîya. Derheqê nuştoxe û pawitoxa heqanê merdiman Anha Flach de qerarê tepiştişê zabitnameyî ame girewtene. Heyata mehkeme de  bi slogana ''Wa biciwîyo Rayber Apo'' nêrazîbîyayîş ame ramojnayene.

Avukanê Çelîkî ra Tuncer Karahanî ard ziwan ke  dewa de huqûqê mîyanneteweyî ame binpaykerdene û vat ê do vera qerarî îtîraz bikerê.

Kurdîstanijan badê roniştişî qerar protesto kerd. Leyla Kayaya ke bi nameyê Meclîsê Cinîyan ê Rojbîne qisey kerd vat dewleta  almanî goreyê  Erdoganî têgerena.  Kaya vera qerarî hêrsê xo ard ziwan û vat nêweşîyê giranî yê Çelîkî estî ke bi nê qerarê mergî rê ame caverdayene.