Peymana Lozanî ya ke Kurdîstan kerd çar parçe,  serrgêra 100. ya îmzakerdişê ci de xeylêk welatan de bi şîarê 'Serra 99. ya Lozanî de Şorişê Rojawanî bipawê' ameye protestokerdene.

Şaristanê Lozanî yê Swîsre de verê bînaya ke tede peymane amebî kerdene Palais de Rumine de kurdîstanijan û dostanê ci bi deqayêkê rêzgirewtişî dest pê çalakîya protestoyî kerde. Çalakîye de şîîra Kasim Engînî ameye wendene û eşkerayîye ameye dayene.

Nameyê Komîteya Amadekarîye Hatîce Kandal, Serekê Partîya Keskan a Şaredarîya Lozanî Panchard, Temsîlkarê PJAKî yê Ewropa Abdollah Mostafa Soltani, Temsîlkarê PYDyî Abbas Omar û temsîlkaranê dezgeh û rêxistinan tîya de qisey kerd. Qiseykerdişan ra dima girse ver bi bînaya Càteau d'Ouchyî şi ke tede peymane ameyebî îmzakerdene.

Tîya Hemserekê KCDK-E Yuksel Koçî qisey kerd. Koçî ard ziwan ke kurdan pê têkoşînê xo Peymana Lozanî betal kerd û vat: ''Ewro her parçeyê Kurdîstanî ra û her hetî ra kurdî tîya de yê. Serrgêra peymane de dewleta tirke wazena ke peymane newe bikero. Wazena ke Şorişê Rojawanî bi şerê leyminî bifatisno. Rojawan rumetê heme kurdan o, ameyoxê heme kurdan o.''

Dima ra bi nameyê TJK-E Mulkuye Açirbeav qisey kerd. Açirbaeve vat: ''Eke ma kurdî bibê yew çew nêeşkeno ma. Eke ma destê yewbînan tepişê ne Erdogan ne zî dinya eşkena ma. 99 serrî yo wazenê kurdan çîn bikerê la ma ewro reyna tîya de yê, ma do têkoşînê xo bidomnê.''