Ciwananê kurdan û enternasyonelan bi şîarê 'Seba azadîya Rayber Apoyî bêrê cengê azadîye' Essenî ra heta Aachenî Rayraşîyayo Derg dabi destpêkerdene. Roja 5. ya rayraşîyayîşî pê protestoyê hêrişanê kîmyewîyan ê dewleta tirke dest pêkerde.

Ciwanan kincê sipîyî dayî xo rê û pê dûyê çeqerî çalakîya protestoyî kerde. Çalakîye de sîmgeyê ke gerîlayan temsîl kenê zî şuxilîyayî. Çalakîye ra dima ciwanan Rayraşîyayîşê Dergî rê dewam kerd.

Ciwanan çalakîye de derheqê hêrişanê kîmyewîyan de eşkerayîye daye û venga warê mîyanenteweyî, rêxistinanê heqanê merdiman, welatan û dostanê kurdan da ke wa vera nê hêrişanê dewleta tirke bêveng nêmanê. Eşkerayîye de hemkarîya dewleta Almanya ya bi dewleta tirke zî ameye şermezarkerdene.

Ciwanî do heta şanî biresê Wiener Platz Kolnî û tîya de cinîyê ciwanî şayîyêke bikerê.