Konseya Kurdanê Demokratîkan ê Fransa (CDK-F) bi eşkerayîyêka nuştekîye da pêhesanyene ke bajarê Lyonî yê Franse grûbêka faşîstan hêrişê Komeleya Kulturî ya Kurdan kerd, 4 kesî bi granî birîndar bîyî.

Eşkerayîye de nê ameyî parekerdene: ''20 bozkurtan  3ê nîsane de hêrişê Komeleya Kulturî ya Kurdan a Lyonî kerd. Nê kesanê rîyê xo qefilnayî pê çuyeyan endamê ma kiştî. 4 kurdê ke komele de bî, bi giranî birîndar bîyî. Nê di hewteyan no hêrişê dîyin o. Fransa de bozkurtî organîzerkerde hêrişê kurdan kenê.Fransa vano înan nê grûbî qedexe kerdî la rixmo ke ê hêrişê kurdan û ermenîyan kenê nînê cezakerdene. Nê hêrişî pabesteyê MÎT ê. Bi nê hêrişan yeno waştene ke Fransa de kaos vejîyo.

Eşkerayîye ame vîrardene ke rêxistina îstîxbaratî ya Fransa  semedê vergirewtişê Qirkerdişê Parisî yê 9ê Çeleyî yê 2013î zî çîyêk nêkerd û veng dîya Wezîrîya Zereyî yê Fransa û dezgehanê eleqedaran ke wa vera nê hêrişkaran çîyêk bikerê û semedê pawitişê kurdan têbigêrê.''