Komelê Demokratîkî yê Kurdan ê Fransa (CDK-F) derheqê Konferansê Bexdadî yê 28ê Tebaxe de eşkerayîyêke daye ke Serekkomarê Fransa Immanuel Macron zî do tewrê ci bino

CDK-Fyî vist vîrî ke dewleta tirke ya îşxalkere 23ê nîsane ra nata vera Başûrê Kurdîstanî pê bahaneya PKKyî hêrişê îşxalî kena. CDK-Fyî pare kerd ke PKK wazeno meseleya kurdan pê rayîrê demokrasî çareser biba la dewleta tirke rayîrê şerî weçînena.

CDK-Fyî da zanayene ke hukmatê Erdoganî Rojawan îşxal kerd, Vakur de şaredarîyanê HDPyî rê qeyûmî tayîn kerdî, sîyasetmedarê kurdî eştî zîndanan û cerganê cîhadîstan reyde têgêra.

CDK-Fyî vat: ''Her bêvengîya Fransa semedê Tirkîya paştdayîş o. Fransa û pêro dinya wa xo vîr a nêkerê ke wextê DAÎŞî de PKKyî şer kerd. Ê deyndarê înan ê. PKK şarê kurdî temsîl keno. Hînî wextê ci ameyo ke Fransa û hêzê mîyanneteweyî bikerê ke dewaya kurdan çareser biba. Ma venga Serekkomarê Fransa danê ke wa nê konferansî de girîngîye bida dewaya kurdan û komelê êzidîyan ser. Şinasnayîşê Îdareyê Xoserî yê Şingalî, awankerdişê îstîkrarî tek rayîrê agêrayîşê êzidîyan o. Ma venga mutefîq, dostan û rêxistinanê demokratîkan ê Fransa danê ke wa nê prosesê krîtîkî de paştî bidê kurdan.''