Wezaretê Karanê Teberî bi eşkerayîyêke vat ke ''Ma hêrişê PKKyî yê vera hêzanê asayîşî yê Başûrê Kurdîstanî şermezar kenê.''Konseya Demokrate ya Kurdan a Fransa (CDK-F) vera eşkerayîya Fransa nêrazîbîyayîşê xo mojna.

CDK-Fyî eşkerayîya xo de heqaretê Erdoganî yê seba Fransa vist vîrî û pare kerd ke Fransa PKK sey çeke xebitnena û paştî dana Tirkîya. CDK-Fyî îfade kerd ke Fransa zî zanena ke Tirkîya Rojawan û Başûrê Kurdîstanî de 40 baregehê leşkerî ronayî.

CDK-Fyî bale ante ser ke dewleta tirke wazena mabênê PDK û PKKyî de şer biveja û ard ziwan ke ganî Fransa mabênê PDK û PKKyî de seba dîyalogan mabênçîtî bikera. CDK-Fyî da zanayene ke Fransa bi na eşkerayîye vera şarê kurdî sûcdarîya gemarine û nêheqe kena û eşkera kerd ke PKK lîsteya terorî ya Belçîka ra ame vatene.

CDK-Fyî venga Fransa da ke polîtîkaya xo ya zûrayîne ra fek vera bida û PKK krîmînalîze nêkera.