CDK-Syî veng da ke her kes tewrê çalakîyanê protestoyî yê serrgêra Peymana Lozanî bibo ka na peymane Kurdîstan kerd çar parçe. Çalakîyî serrgêra peymane de 23-24ê temmuze de do bêrê kerdene.
Komelê Demokratîkî yê Kurdan ê Swêdî (CDK-S) derheqê serrgêra 97. ya Peymana Lozanî de ke Kurdîstan kerd çar parçe, eşkerayîyêke daye. Eşkerayîye de ame vatene ke 23-24ê temmuze de seba protestoyê Peymana Lozanî tay çalakîyî do bêrê kerdene.
CDK-Syî vist vîrî ke Peymana Lozanî hema hema 10 serre ya û bîye sebebê qirkerdiş û zulmî. CDK-Syî îfade kerd ke AKP seserra 21. de zî qirkerdişan, hêriş û îşxalanê xo dewam keno. La kurdî qet koletîye qebul nêkenê.
CDKSyî eşkerayîye xo de pare kerd ke 23-24ê temmuze de serrgêra ci de seba ke Peymana Lozanî bêra şermezarkerdene nawnayîş û rayraşîyayîşî do bêrê kerdene.
CDK-Syî venga sîyasetmedaranê kurdan ê Swêdî û Ewropa, roşnvîran, dostanê kurdan da ke wa bêrê Cinêv û Lozan. CDK-Syî vat ke senî Erdogan û hemkarê ci 243e temmuze de Ayasofya de do bibê ê zî do verê bînaya ke tede Peymana Lozanî amebî îmzakerdene, de bêrê pêser.
