Koomelê Demokratîkî yê Kurdan ê Swîsre (CDK-S) û Yewîya Cinîyan ê Kurdan a Swîsre (YJK-S) derheqê serebûtanê Rojawanê Kurdîstanî û Sûrîye de eşkerayîyêke daye. 

CDK-S û YJK-Syî  bale ante waştişanê xo yê seba projeyê Sûrîyeya demokratîke ser û venga hukmatê Swîsre da ke bi rolêkê aktîfî têbigêro.

Wird dezgehan eşkerayîye de pare kerd ke Îdareyo Xosero ke binê sîwana ci de şarî bi aramî ciwîyenê tim beno hedefê dewleta tirke.

Dezgehan eşkerayîya xo de seba Sûrîyeya demokrate nê waştişî rêz kerdî:

''-Peynîya hêrişanê hêzanê tirkan bîyarê.

-Îdareyê Xoserî yê Rojawanî bişinasnê. Kurdan tewrê nîqaşanê serê ameyoxê Sûrîye bikerê. Zor û zehmetîyê verê Sûrîye bê kurdan çareser nêbenê.

-Hetkarîya merdimanê Rojawanî û Sûrîye bikerê.

-Wa hukmatê Swîsre sûcanê dewleta tirke şermezar bikero, seba ke Rojawan tewrê dîyalogan bêro kerdene xîret bikero.

-Seba paştdayîşê Îdareyê Xoserî ganî komelo mîyanneteweyî bi lezî têbigêro.''