Çalakîya roniştişî ke çarçewa Hemleya 'Tecrîd, faşîzm û îşxalî rê bes o; wext wextê azadîye yo' de  her çarşame verê Ofîsê Neteweyanê Yewbîyayeyan (NY)  yê Cenevre de yena kerdene ewro hetê Têgêrayîşê Cinîyan ê Kurdan yê Swîsre (YJK-S) ra ameye dewrgirewtene.

Çalakîye de bi nameyê Têgêrayîşê Cinîyan ê Kurdan ê Ewropa (TJK-E)  Zozane Derîk qisey kerd. Derike vat: ''Rayberîya ma 21 serrî yo sere de NY bi destê dewletanê Ewropa hetê Tirkîya ra sey rehînî yeno tepiştene. Kurdî semedê cuya Rayberê Şarê Kurdî qelqilîyenê. Çar leteyanê Kurdîstanî de çalakîyê protestoyî yenê kerdene. Ewropa de zî bêvengîya vera tecrîdî yena protestokerdene. Ganî NY û dezgehê eleqedarî yê Ewropa berpirsîyarîya xo bîyarê ca. Ewro tirkmenî zî tede Rojhelatê Mîyanênî paradîgmaya Rayberîye qebul keno. Pê azadîya Rayberîya ma haştîye do bêro. Heta ke Rayberîya ma dir pêvînayîşî nêro kerdene ma do waran de bê. Dewlete Ewropa û Tirkîya wa ma pê cuya Rayberîya ma meceribnê. Sey çar leteyanê Kurdîstanî ma do Ewropa ra zî cewabê tehdîtanê vera Rayberîye bidê.''

Şehîdê Garê Xabûr Dêrik ame vîrardene

Çalakîye de şehîdê Garê gerîlayê HPGyî Xabûr Dêrik (Cabbar Îsmaîl Muhammed) zî amey vîrardene. Vîrardiş de bi nameyê keyeyî Azîz Dêrikî ard ziwan ê do wayrîê mîrasê şehîdan vejîyê û rêça şehîdê xo de xoverdayîşî pîl bikerê.