Çalakîya roniştişî ya ke semedê azadîya Rayberê Şarê Kurdî Abdullah Ocalanî   çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena.

Çalakîya ke her roja çarşemeyî yena kerdene de derheqê tecrîd û felsefeya Abdullah Ocalanî de zanayîş yeno dayene û dezgehanê Ewropa ra yeno waştene ke wa vera polîtîkaya qirkere ya Tirkîya vengê xo berz bikerê . Çalakîya nê hewteyî pê rêzgirewtişê semedê  şehîdanê Têgêrayîşê Azadîye yê Kurdîstanî ameye destpêkerdene.

Hemserekê Merkezê Komelê Demokratîkî yê Kurdan ê Cenevre Salîh Saglamî ke tîya xîtabê kurdîstanijan kerd bale ante xoverdayîşê gerîlayan û tepişteyan ê ke grevê vêşanîye de ser û vat ganî kurdî her ca de wezîfeyê xo bîyarê ca û wayîrê nê xoverdayîşî vejîyê ke ser bikewê.