Aktîvîstanê TCŞ û TÊKO-JIN xeylêk şaristanan de hêrişê îşxalî yê dewleta tirke yê vera Herêmanê Pawitişî yê Medya û tecrîdê Îmraliyî pê çalakîyan protesto kerdî.

Berlin

Ciwanan verê Meclîsê Federalî yê Almanya de hêrişê îşxalî şermezar kerdî. Ciwanan posterê Rayberê Şarê Kurdî Abdullah Ocalanî akerdî û sloganê 'Biciwîyo Serek Apo' vat. Polîsan çalakîye de ciwanan rê mudaxele kerd la ciwanan xo ver da.

Wuppertal

Ciwanan seba azadîya Rayberê Şarê Kurdî standêk akerd. Stand de bi almankî û kurdkî pankartî abîyî.

Stuttgart: Endamanê TCŞ û TEKO-Jin û komuna Şehîd Çekdar Botanî trenê merkezê şaristanî de alayê PKKyî û posterê Ocalanî akerdî. Ciwanan vilawekî vila kerdî û vat: ''Wext wextê azadîya Rayberê Şarê Kurdî yo.''

Hannover: Ciwanan vilawekî vila kerdî û da zanayene ke ê do hêrişanê qirkeran ê dewleta tirke ya faşîst teşhîr bikerê.

Dusseldorf: Ciwanan hem tecrîdê Îmraliyî hem zî hêrişê îşxalî protesto kerdî. Çalakîyan ra dima ciwanan seba azadîya Ocalanî Neteweyanê Yewbîyayeyan rê mektube erşawite.

Ciwanan vera hêrişanê îşxalî çalakîya rayraşîyayî kerde.TCŞyî bale ante serkewtişê Garê û da zanayene ke peynîya rejîmê faşîstî nêzdî ya. Rayraşîyayîş de sloganê sey 'Biciwîyo Serek Apo', 'Biciwîyo xoverdayîşê gerîlayan' qedîya.

Gutersloh

Kurdan û dostanê înan hêrişê îşxalî yê vera Herêmanê Pawitişî yê Medya protesto kerdî. Tay nîjadperestanê tirkan xîret kerd ke nawnayîş provake bikerê. Nawnayîş de xoverdayîşê gerîlayan ame selamkerdene. Nawnayîş pê slogan û marşan qedîya.