Şaristanê Kielî yê Almanya de ciwananê aktîvîstan ê Têgêrayîşê Ciwanan ê Şorişgêran (TCŞ) ambargoyê PDKyî yê vera Mexmûrî şermezar kerd û seba ke bale biancê azadîya Rayberê Şarê Kurdî Abdullah Ocalanî ser pankartî û nuşteyî akerdî.

Çarçewa Hamleya Meverde de 29ê nîsane de şewe gencan Gaarden de ke tede faşîstî ciwîyenê dêsan ser o resimê Rayberê Şarê Kurdî Abdullah Ocalanî xêz kerdî û bi îngîlîzkî ''Seba Ocalanî Azadîye'' nuşt.

Ciwanan vizêr zî saetanê nêmeroje de pirdê Hottenau a Mettenhofî de derheqê ambargoyê vera Mexmûrî û derheqê azadîya Ocalanî de pankartî daliqnayî.