Ciwanan xeylêk welatanê Ewropa de pê çalakîyan xoverdayîşê gerîlayan selam kerd û hêrişê dewleta tirke û xayînîye şermezar kerdî.

Bajarê Sttugartî yê Almanya de hetê aktîvîstanê TCŞ û TekoJIN ra rayraşîyayêk ame kerdene. Çalakîye de pîya bi hêrişê îşxalî yê vera Başûrê Kurdîstanî hêrişê dewleta tirke yê vera Şingalî zî ame şemrmezarkerdene.

Bajarê Dortmunî yê Almanya de zî ciwanan merkezê bajarî de trenan de bi wendişê vilawekan bale ante hêrişê dewleta tirke yê vera kurdan ser û bêvengîya Ewropa şermezar kerde.

Paytextê Yunistan Atina de zî ciwanan semedê wayîrvejîyayîşê Hemleya ''Werin Cenga Azadîyê'' çalakîyêke kerde. Çalakîye cayê bajarî ke tewr zaf tede turustî estî Akropolis de ameye kerdene. Ciwanan bi sloganan xoverdayîşê Îmrali, koyan û zîndanan selam kerd.

Bajarê Marsilya yê Fransa de zî çarçewa hemle de rayraşîyayîş ame kerdene. Çalakîye de bale ameye antene hêrişê îşxalî yê dewleta tirke yê kurdan ser û veng dîya hêzanê Ewropa de wa vera nayî bêveng memanê.