Bajarê Strasbourgî yê Fransa de ciwanan tecrîdê Îmraliyî û hêrişê îşxalî yê dewleta tirke yê vera Başûrê Kurdîstanî şermezar kerdî.

Bi seyan ciwanê kurdanê ke Almanya, Fransa û Swîsre ra Strasbourg d ameyî têhet posterê Ocalanî û PKKyî û pankarta 'Werin Cenga Azadîyê' kiriştî û bi sloganan hersê xo yê vera tecrîdê serê Rayberê Şarê Kurdî Abdullah Ocalanî, hêrişê îşxalî û qetilkerdişê Denîze Poyraz ard ziwan. Rayraşîyayîşo ke pê merş û deyîran ame kerdene de dumanê renginê ke ciwanan şuxulnayî bale atne xo ser û tayînan pê tîlîlî û nîşanê serkewtişî paştî dayî ciwanan. Badê rayraşîyayîşî Parka Etoile de mîtîngêk ame kerdene. Mîtîng de hunermendanê TEV-ÇANDî zî konser da. Dima ra eşkerayîye ameye dayene. Ciwanan vat ê do vera hêrişanê dewleta tirke tim kuçeyan de bê. Mîtîng pê deyîran û goveng qedîya.