Rayraşîyayîşo Derg o ke serkêşîya TCŞ û TÊKO-JIN de seba azadîya Rayberê Şarê Kurdî Abdullah Ocalanî dîyabi destpêkerdene, verê bînaya Neteweyanê Yewbîyayeyan (NY) ê Cenevre de qedîya.

Ciwanî wexto ke verê Sersefîrîya Tirkîya ra derbaz bîyêne înan bi slogananê sey "Bijî Serok Apo", "Bê Serok jiyan nabe", "Bi can bi xwîn em bi te re ey Serok" hêrsê xo ard ziwan.

Rayraşîyayîşî bi coşî qasê 15 kîlometreyan dewam kerd. 

Ciwanî dima verê NYyî de eşkerayîye daye. Nameyê TCŞyî ser o Yusud Amedî eşkerayîye wende.

Eşkerayîye de dîya zanayene ke hinî wextê ci ameyo ke Rayberê Şarê Kurdî azad bibo û wina ame vatene: ''Ciwanî heta azadîya Rayber Apoyî têkoşînê xo rê dewam bikerê û serkêşîya têkoşînî bikerê.''

Nameyê Komîteya Hemle ser o Nejdet Atalayî rojnamegerî Gulîstane Tara û Hêro Bahadîn û Tekîn Goyî yê ke hêrişanê dewleta tirke de ameybî qetilkerdene yad kerdî. Atalayî vat: ''Her keso ke paradîgmaya Modernîteya Demokratîke ya Rayber Apoyî ra bawer keno ganî tecrîd û teda qebul nêkero.''

Atalayî xoverdayîşê gerîlayan zî selam kerd û vat: ''Ganî ma her ca de vejîyê waran û çalakîyanê paştdayîşî bikerê.''

Eşkerayîye ra dima rayraşîyayîş bi slogan û tîlîlîyan qedîya.