Ciwananê Frankfurtî venga pêro ciwanan, cinîyan û kurdîstanijan da ke bi şîarê ‘Rayber Apoyî rê Azadîye’ tewrê Rayraşîyayîşê Dergî bibê ke 10ê sibate de şaristanê Heilbronnî de do dest pêbikero.
Welatanê cîyayan ê Ewropa yê sey Almanya, Fransa, Swîsre, Hollanda û Belçîka ra ciwanê kurdîstanijî û enternasyonalîstî bi waştişê ‘Rayber Apoyî rê Azadîye’ do Rayraşîyayîşê Dergî bikerê.
9ê sibate de ciwanî seba rayraşîyayîşî şaristanê Heilbronnî de kom bibê, 10ê sibate de dest pê rayraşîyayîşî bikerê û 15ê sibate de Strasbourg de rayraşîyayîşê xo biqedînê.
Ciwananê kurdîstanijan ê Frankfurtî zî bi eşkerayîyêke seba beşdarîya Rayraşîyayîşê Dergî veng da.
Ciwanan pare kerd ke Rayber Apo 1999 de bi komployêkî amebi esîrkerdene la rixmê ney zî 26 serrî yo bêmabên xo ver dano.
Ciwanan da zanayene ke rayraşîyayîş do mabênê 10-15ê sibate de bi beşdarîya bi seyan ciwanan bêro kerdene. Ciwanan vat: ‘’Ma venga ciwananê kurdan û dostanê şarê kurdî danê ke beşdarê Rayraşîyayîşê Dergî yê 2025î bibê Emser Rayraşîyayîşê Dergî seba azadîya Rayber Apoyî bikerê.’’
