Rêxistina Ciwananê Azadîgîran a Katalanya (BATZAC) bi wesîleya safhaya diyîne ya Hemleya 'Abdullah Ocalanî rê Azadîye, Meseleya Kurdan rê Çareserîye' venga pêro xebatkaranê xo û aktîvîstanê xo da ke tewrê hemle bibê û wayîrê na hemle vejîyê.

BATZACî hesabanê xo yê medyaya dîjîtale de eşkera kerd ke ê paştî danê Hemleya Azadîye û tewrê ci benê. BATZACî vist vîrî ke Rayberê Şarê Kurdî Abdullah Ocalan 25 serran ra zafêr o binê tecrîdî de yo û êyê ke verê ney de bêveng manenê benê hemkarê tecrîdî. 

BATZACî bale ante ser ke Rojawanê Kurdîstanî de fikranê Rayberê Şarê Kurdî û paradîgmaya ey a Konfederalîzmê Demokratîkî ser o şorişêk ameyo kerdene. BATZACî îfade kerd ke azadîya Abdullah Ocalanî seba pêro azadîgîran û dinya elzem a.

BATZACî vat: ''Ma sey ciwananê anarşîstan tewrê Hemleya Azadîye benê. Ma venga pêro embazan zî danê ke mabênê tarîxê 1-10ê teşrîna verêne de tewrê na hemle bibê.''