Bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî ciwananê kurdan vizêr bajarê Parlamentoyê Ewropa yê Strarsbourgê Fransa  de çalakîyêkeke kerde.

Ciwanê ke bi posteranê Abdullah Ocalanî û beraqanê PKKyî dekewtê Salona Heyetê Pêroyî ya Parlamentoyê Ewropa rixmê astengkerdişî çalakîya xo domnaye. Ciwanan Parlamentoyê Ewropa bi sloganan protesto kerd  vera tecrîdê serê Abdullah Ocalanî bêveng o.

Waştişê ciwanan ser serekê Parlamentoyê Ewropa ame ciwanan reyde pêvînayîşêk kerd. Vervatoxê HDPyî yê Ewropa Faîk Yagiz û tay xebatkarê parlamentoyî zî tewrê pêvînayîşî bîyî. Pêvînayîş de ciwanan bale ante tecrîdê Îramliyî ser û ard ziwan ke Parlamentoyê Ewropa qeraran ke geno nêano ca  û dewletê Ewropa berpirsîyarê esîrgirewtişê Ocalanî yê. Badê pêvînayîşê hîrê saetan ciwanan dosya teslîmê serekê Parlamentoyê Ewropa kerd. Ciwanan dima ra semedê seferberîye veng da û çalakîya xo qedînaye.