Komîteya Hîşyarîya Têkoşînê Vera Terorî ya Belçîka (Comité T) vat PKK Belçîka de tehdît nîyo, "lîsteyê terorî yê Yewîya Ewropa" huqûqî nê sîyasî yê û selahîyetdarê Belçîka binê tesîrê dewleta tirke de manenê.
Komîteya Hîşyarîya Têkoşînê Vera Terorî ya Belçîka (Comité T) vat PKK Belçîka de tehdît nîyo, "lîsteyê terorî yê Yewîya Ewropa" huqûqî nê sîyasî yê û selahîyetdarê Belçîka binê tesîrê dewleta tirke de manenê.
Raporê serra 2023yî yê 172 pelan de bale yena ser antene ke gama ke qala kurdan bena senî neheqîye yenê kerdene. Rapor de ame vatene ke servîsê îstîhbaratî VSSE yê Belîçîka kamî ra şik bikero ke sempatîzanê PKKyî yo ci rê bêhuqûqîye keno û selahîyetdarê Belçîka binê tesîrê dewleta tirke de manenê.
Komîte vat PKK asayîşê Belîçîka tehdît nêkeno. Rolê têgêrayîşê kurdan ê Sûrîye Iraqî yê vera DAÎŞî yo ke herra Belçîka de tehlukeyo pîl o, tekoşîn de zaf muhîm o. Rapor de ame vîrvistene ke PKK Belçîka de şîdet nêkeno û heta nika tim kurdî hedefê hêrişan de yê.
Rapor de lîsteya terorî zî yena cipesayene ke PKK zî tede heme rêxistine kurdan sey rêxistinanê terorî yenê destgirewtene. Komîte vat no çîyêko sîyasî yo, huqûqî nîyo ke goreyê menfeatê polîtîkî yeno bewlîkerdene.
