Cûdîye Egîd û Egîd Berxwedan Basel de ameyî yadkerdene
Şaristanê Baselî yê Swîsre de way û birayê şehîdî Cûdîye Egîd û Egîd Berxwedan bi merasîmêkî ameyî yadkerdene.
Seba gerîlayê HPGyî Egîd Berxwedan (Habîb Karakoç) o ke 17ê êlule de Amed de şehîd bibi û seba Cûdîye Egîd (Tugba Karakoç) a ke 11ê gulane de Çelebî de şehîd bibî Merkezê Komelê Demokratîkî yê Kurdan ê Baselî de merasîmê yadkerdişî ame kerdene.
Hemsereka Merkezê Komelê Demokratîkî Nejla Dêrsim merasîm de derheqê girîngîya şehîdanê têkoşînê azadîye de qisey kerd. Dêrsime ra dima merdimanê şehîdan zî qisey kerd.
Qiseykerdişan ra dima derheqê şehîdan de sînevîzyonêk ame mojnayene. Merasîm bi sloganê “Şehîd Namirin” qedîya.
