Çarçewa Hemleya Abdullah Ocalanî rê Azadîye, Meseleya Kurdan rê Çareserîya Sîyasîye de 21ê çeleyî de Rayraşîyayîşo Derg dîyabi destpêkerdene. Rayraşîyayîşo Derg vizêr resabi Nantesî. Tîya de kombîyayîşê şarî ame kerdene.

Endamê Komîteya Hemleya Azadîye Cuma Tak, Mehmet Dag û Sanîye Tunç zî tewrê kombîyayîşî bîyî. Kombîyayîş de qalê perspektîfanê Hemleya Azadîye ame kerdene.

Cuma Takî kombîyayîş de qisey kerd û ard ziwan ke Rayber Apoyî bezreyê Şorişê Rojawanî û destkewteyanê kurdan ê bînan 50 serrî verî eştibî binê erdî. Takî da zanayene ke Îmrali de Rayber Apoyî kerdişê faşîstan tarûmar kerdê. Cuma Takî bale ante Hemleya Azadîye ser û pare kerd ke Rayraşîyayîşo Derg armanc keno ke dîplomasîyê şarî bikero, bi aktîvîteyanê cîya-cîyayan raştîya Rayber Apoyî bido famkerdene û her beşê komelî tewrê Hemleya Azadîye bikero.

Takî vat: ''Seba pawitişê Rojawanî, qedînayîşê hêrişan, azadîya şarê ma û pawitişê pêro destkewteyanê şarê ma ganî Rayber Apo azad bibo. Netîceya têkoşînê şarê ma de dewlete şîye hetê verê Rayber Apoyî. Erkê ma yo verên o ke ma destê Rayber Apoyî bihêz bikerê. Coka ma venga her kesî danê ke 15ê sibate de tewrê çalakîya Strasbourgî bibê.''