Vizêr Merkezê Kulturê Kurdan ê Ahmet Kayayî yo ke Qirkerdişê Parisî yo Diyîn tede qewimîya, de bi beşdarîya Endamê Dîwanê KCDK-E Murat Ceylan û Endama KNKyî Nîlufere Koç kombîyayîşê şarî ame kerdene.

Ceylanî hêverî qisey kerd û vist vîrî ke amadekarîyanê çalakîyanê 7ê çeleyî de evîne Goyî ca girewtêne û vat ke ê do 7ê êlule de seba Evîne Goyî çalakîyêke bikerê û kuçeyê Merkezê Kulturê Ahmet Kayayî bi findan roşnî bikerê. 

Ceylanî ard ziwan ke ê do 3yê çeleyî de Şehîdanê Parisî oxirê welatî bikerê û vat: ''Ma do 3yê çeleyî de soz bidê şehîdanê xo. Ganî şarê ma a roje cuye vindarno, biheriko Paris. Ganî tewirê ma yê kurdan dost û dişmen bivîno.

Ma veng danê ke 7ê çeleyî de dostê ma wa bêrê Parisî. Seba şermezarkerdişê nê hêrişanê namerdan ma tîya de bibê. Ma do a roje soz bidê, sozê ma do azadîya Rayber Apoyî û Kurdîstan bo.

Dima Endama KNKyî Nîlufere Koç qisey kerd û pare kerd ke nê 6 mengê verê înan girîng ê û vat: ''Eke ma destpêkê menga 2022yî ra heta peynî biewnê ma do bivînê ke dewleta tirke destê ci ra çi ameyo kerd la tira netîceyêke nêgirewte.''

Kombîyayîşî ra dima kuçeyo ke Merkezê Kulturê Kurdan ê Ahmet Kayayî tede yo, seba yadkerdişê Şehîdanê Parisî bi findan ame roşnîkerdene.