Şaristanê Troisdorfî yê Almanya de Heyva Sore ya Kurdîstanî bi beşdarîya xebatkar, endam û meymananê xo, kongreya xo ya 30. kerde. Dima bi wesîleya serrgêra 30. ya ronîyayîşê xo zî  şayîyêke viraşte.

Destpêkê kongre de Serekê Heyva Sore Dr. Rojvan Bîlgînî qisey kerd û xebatê 30 serrî ercnayî û kedkar û xebatkaranê Heyva Sore rê sipas kerd. Bîlgînî ard ziwan ke sere de dewleta tirke dişmenê kurdan dezgehanê kurdan kenê hedef û vat: ''Heyva Sore nê 30 serran de rixmê teda, hêriş, qedexe û astengîyan zî bîya hêvîya mazlûm û hewcedaran. Dezgehê ma vera beno pîlêr. Ganî ma erkê xo binê nê şertanê giranan de zî tim bîyarê ca.''

Qiseykerdişê Bîlgînî ra dima mesajê dezgehanê meymanan ameyî wendene.

Dima xebatê serraneyî ameyî ercnayene û ame tesbîtkerdene ke hêrişanê îşxalî yê dewleta tirke, felaketanê xoza, xizanîye û nêweşîyan ra semed hewcedarîyî zêdîyayê, coka ganî Heyva Sore xebatanê xo bizêdîna û projeyanê bînan serûber bikera.

Dima ke îdareyo newe ame weçînayene hunermendî vejîyayî sehne ser.

Heyva Sore 4ê adara 1993yî de şaristanê Bochumî yê Almanya de hetê komêka welatperweran ra ronîyabi.