Kurdîstanijan û dostanê înan şaristanê Kopenhagî yê Danîmarka û şaristanê Stockholmî yê Swêdî de hêrişê îşxalî yê vera Rojawanî bi çalakîyan protesto kerdî.

Kopenhag de eşkerayîyêke ameye dayene û tede ame vatene ke hêrişê dewleta tirke ya faşîste qetî nênê qebulkerdene. Eşkerayîye de ame parekerdene ke çew nêeşkeno verê têkoşînê kurdan bigêro. Çalakîye bi slogananê “Jin, jiyan, azadî” û “Şehîd namirin” qedîyaye.

Stockholm de mîtîng ame kerdene. Mîtîng de alê YPG, YPJyî û pankarta 'Destê xo yê goninî kurdan ra bigêrê' ameye akerdene. Çalakîye de ame waştene ke warê hewayî yê Rojawanî wa dewleta tirke ya îşxalkere rê bêro qefilnayene. Çalakîye bi sloganan qedîyaye.