Nobeta Azadîye ya ke 25ê hezîrana 2012î ra nata şaristanê Strasbourgî yê Fransa de yena kerdene hewteyê 618inî de dewam kena. No hewte koma Munsterî ya Almanya nobete dewr girewte. Kome de kurdîstanijî Fatma Hemo, Cemîl Mûhammed, Elyan Huseyîn û Ahmet Bagok cagênê.

Elyan Huseyînî ard ziwan ke ê vera tecrîdê Îmraliyî tewrê çalakîye bîyê û vat: ''Ganî pêro kurdî seba armancê wedarîyayîşê tecrîdî bibê yew.''

Dayîke Cemîle Muhammed dîyar kerd ke Rayberê Şarê Kurdî ra hîrê serrî yo xeberêke nêna girewtene û vat: ''Ma azadîya Rayberê xo û şarê xo wazenê. Seba ney ma payan ser de yê.''

Dayîke Cemîle vera qetilkerdişê kurdan, talankerdişê cografyaya Kurdîstanî û polîtîkayanê îşxalî nêrazîbîyayîşê xo mojna û vat: ''Ma azadîya Rayber Apoyî û çareserîya meseleya kurdan wazenê.''

Dayîke Fatma Hemo vat: ''Ma hîrê serrî yo nêzanenê ke rewşa Rayberê ma senîn a. Dişmen nêwazeno ke ma yew bibê. Ganî ma sey kurdan yewîya xo awan bikerê. O çax ma eşkenê azad bibê. Ma ganî wayîrê şehîdanê xo vejîyê, dest bidê destî û welatê xo azad bikerê.''