Danîmarka pêşnîyazê Lîsteya Yewîye û Partîya Çepe ya Sosyalîste ser o ke waştêne seba Tirkîya ambargoyê çekan bêro caardene, birre daye ke seba Tirkîya rotişê çekan û hacetanê leşkerî do vindarna.

Birre hetê reyanê zafînan ra ameye girewtene. Birre ameye dayene ke naye ra pey hînî şîrketê Danîmarka çekan nêroşê Tirkîya. Hetê bînî ra Danîmarka Tirkîya hişyar kerde ke herêma Kurdan a ke Vakur û Rojhelatê Sûrîye de îşxal kerde, xo tepîya bianca. Wekîla Lîsteya Yewbîyayîşî û Verfeka Polîtîkayanê Teberî Eva Flyvholma ke pêşnîyaz berd meclîsî ver, îfade kerd ke pê birra ambargoyê çekan a ke  hema hema bi temamîya reyan ameye girewtene, sereberz a.