Têgêrayîşê Ciwanan ê Kurdan vera tecrîdê serê Rayberê Şarê Kurdî Abdullah Ocalanî siba seranserê Ewropa de çalakîyî organîze kerdî. Nê çalakîyan ra yew zî bajarê Hannoverî yê Almanya de do bêro kerdene.

Dayîka şehîd Mehmet Şerifî yo ke 4ê hazirana 2012yî de qezaya Mudanya ya Bursa de vera tecrîdî bedene da adirî ver, Sureyya Sakli ard ziwan ke kurdî tecrîdî qebul nêkenê û semedê tewrbîyayîşê çalakîye veng da.
Dayîke Sureyya Sakli vat: "Lajê mi vera tecrîdî bedenê xo da adirî ver la ewro hema zî no tecrîd dewam keno. Ma Rayberîye ra xebere nêgenê û zaf qisawet kenê. Ma tecrîdî qebul nêkenê. Ganî heme şarê ma her ca de wirzo payan ser û vera tecrîdî vejîyo. Siba Hannover de çalakîya ciwanan est a, ganî her kes tewrê ci bibo."

Aktîvîstê TCŞyî Navdar Elihî zî semedê tewrbîyayîşê çalakîya Hannoverî veng da û vat ganî her kes vejîyo kuçeyan û vera tecrîdê Îmraliyî vengê xo berz bikero.