Bajarê Landgraafî yê Hollanda de 17ê êlule de bi şîarê “Ma do vera îşxal û qirkerdişî Kurdîstanî bipawê, Rayber Apoyî azad bikerê”  Festîvala Kulturê Kurdan a Mîyaneteweyîye do bêro kerdene. Konseya Komeleyanê Kurdîstanijan ê Hollanda  (DEM-NED) semedê tewrbîyayîşê festîvalî veng da.

Komîteya Festîvale da zanayene ke amadekarîya festîvele qedîyaye û nê pare kerdî: “Festîvala Kulturê Kurdan a Mîyanneteweyîye ya 30. prosesêkê muhîmî de yena kerdene. Festîvala ke her serre bi hewayêkê biheybetî yena kerdene emser dahînîna muhîm a. Dewleta tirke ya îşxalkere heme leteyanê Kurdîstanî de hêrişê îşxalî kena.  Sere de Gerîlayê Azadîye yê Kurdîstanî, şarê kurdî bi têkoşînê xurtî hêrişê dewleta tirke betal vejeno. Hukmato faşist ê AKP-MHPyî semedê estbîyayîşê xo wazeno kurdan çîn bikero.  Coka sîstemê îşkenceyî yo tewr pîl vera Rayber Apoyî yeno rayraberdene. Heme welat açarnayo zîndanê akerdeyî ke bi sîstemê îşkenceyî yê Îmraliyî komelî esîr bigêrê.  Nê zî qîm nêkerd. Sere de vera Zap, Metîna û Avaşîn bi heme teknîk û metodanê xo yê leyminan şer kenê. Seba ke rixmê heme hêrişan nêeşkayî aver şirê sûcê şerî kenê û gazanê kîmyewîyan şuxulnenê. Pê hêrişan kenê destkewteyanê kurdan çîn bikerê. Gerîlayê Azadîye yê Kurdîstanî bi têkoşînê tarîxîyî destkeweyanê  û ameyoxê Kurdîstanî pawenê.

Xoverdayîşê şarê ma yo he her hetê Kurdîstanî û teberê welatî de bi ruhê xoverdayîşê Zapî yeno kerdene do politikaya leymine ya dewlete betal bikero. Dewleta tirke Kurdîstan de têna qirkerdişê fîzîkîyî nêkena, hêrişê kultur, ziwan , deyîran, tarîx û coğrafyaya kurdan kena.  Wina wextêkê tarîxîyî de bajarê Landgraafî yê Hollanda de 17ê êlule de bi şîarê “Ma do vera îşxal û qirkerdişî Kurdîstanî bipawê, Rayber Apoyî azad bikerê”  Festîvala Kulturê Kurdan a Mîyaneteweyîye do bêro kerdene. Ma sey komîteya festivale  veng danê şar û dostanê xo ke wa bi ruhê xoverdayîşê Zapî,  bi coşî tewrê festivale bibê. Wa şarê ma bi kincanê xo yê neteweyîyan tewrê festîvale bibo. Şar û dostê ma wa pê renganê xo warê festîvale biaçarnê warê xoverdayîşî. Ganî şarê ma a roje cayê xo yê karî biqefilno, kar û gureyî caverdo û wezîfeyê xo yê neteweyî bîyaro ca.’’